Devadasu Malli Puttali

పగలు మోసపోయింది
పగలంతా ఆటలాడి ఆ తారను
రేయికి అప్పగించింది
తొంబై వసంతాల ఆ తార వెలుగును
చూసి సహించని చీకటి
నెమ్మదిగా తన ఒడిలో కలుపుకుంది
ఆ బహుదూరపు 'బాటసారి' ని తెలియని
తీరానికి  పంపింది

'సువర్ణ సుందరి' పిలిచిందో
'మహా కవి కాళిదాసు' 'మేఘ సందేశం' ఏమైనా పంపాడో
ఈ 'గోవుల గోపన్న' అందరికి ఆత్మీయుడు
'మరో ప్రపంచం' నిర్మించాలని
ఆ దేవుడే ఈ 'అమరశిల్పి జక్కన్న' ను పిలిచాడేమో
'కీలు గుర్రం' ఎక్కి
నిశి వేళలో వెళ్ళిపోయాడు

'అంతస్తులు' ఎన్ని ఉన్న
'ఆత్మీయులు' ముఖ్యమని
చెప్పిన 'అమర జీవి'
ఈ 'దసరా బుల్లోడు'

'పునర్జన్మ' అన్నది నిజమైతే
ఈ 'దేవదాసు' మల్లీ పుట్టాలని
ఆశిద్దాం
ఈ 'పూల రంగడి' సినీపూలు
మరువ లేనివి


- Hari
అక్కినేని నటన లో అక్కినేని కనిపించడు  కేవలం పాత్ర తప్ప 

గమ్యం లేని గమనం ఎందుకు

చలనం కలగని సహనం ఎందుకు
గమ్యం లేని గమనం ఎందుకు

మరణం లేని జననం ఉండదు
అరుణం లేని ఉదయం ఉండదు

తరుణం కొరకై ఆగకు రా 
'భ్రమ'ణం నుంచి బైటికి రా 

కణ కణము చేతనమై 
క్షణ క్షణము మధనం చేయ్ 

ప్రణమిల్లును ప్రపంచం 
జననం అవ్వును సార్ధకం 

ఆయి ఆయి ఆయీ

ఆయి  ఆయి ఆయీ
ఆయి  ఆయి ఆయీ
బజ్జోరా బుజ్జాయి

ఆయి  ఆయి ఆయీ
ఆయి  ఆయి ఆయీ
బజ్జోరా బుజ్జాయి

చల్లని వెన్నెల రేయి
నీ కురులే నిమిరాయి

ఆయి  ఆయి ఆయీ
ఆయి  ఆయి ఆయీ

ఎన్ని నోముల ఫలమోయి
పండంటి మా పాపాయి
బజ్జోరా బుజ్జాయి


బోసి నవ్వులు విసిరేయి
నాన్నగారి మిట్టాయి
బజ్జోరా బుజ్జాయి

ఆయి  ఆయి ఆయీ
ఆయి  ఆయి ఆయీ
బజ్జోరా బుజ్జాయి
బజ్జోరా బుజ్జాయి
బజ్జోరా బుజ్జాయి 

ఓ రోరి కిరణం సమైక్యాంద్రకు నువు ఆఖరి చరణం

చీఫ్ మినిస్టర్ అని అనుకుంటే
చీపు లిక్కర్ తాగావు
మంత్రదండం నాదంటూ
చీపురు పుల్లను ఊపావు

ఎందుకురా పరేషాను 

నల్ల మరకల నీ బ్రైను
తెల్లగ చేసే రిన్ను
తెలంగాణా మన్ను

లేదుర నీకు నైతికత
నీ భాషలో తెలుగెంత
చల్ల కొచ్చి దాచకు ముంత
ఎందుకో తెలియదా నీ సమైక్యత

ఈ  తరుణం
అంతా తెలంగాణం
ఓ రోరి కిరణం
సమైక్యాంద్రకు నువు ఆఖరి చరణం